Les yeux baissés
رواية " " للطاهر بنجلون، كاتحكي قصة فتاة حكم عليها القدر والاجداد باش تكون هي المفتاح ديال الكنز د القبيلة، اللي غايتم الاكتشاف ديال من بعد سينين طويلة واجيال عديدة. طفولة الفتاة غتكون قاسية نوعا ما، حيث ان الاب ديالها غايضطر للهجرة لفرنسا من اجل العمل، وغايخلي الاسرة الصغيرة ديالو مع الاخت ديالو، اللي كانت شريرة وكاتعامل بقسوة مع الاطفال والام. الطفلة منذ الصغر ديالها غاتعيق بالكم د الكراهية اللي كاتعامل بيها عمتها معاها، ولكن ماكاتقدرش تقولها لباها حيث كايجي غير شهر فالعام وماكاتبغيش تخسر ليه العطلة ديالو. داكشي علاش واحد النهار غاتقرر تنتاقم من عمتها وغادير ليها مقلب غايخلي العمة ضحكة قدام القبيلة، الشي اللي غايخلي العمة باغا تنتاقم من العائلة، وغاتقوم ب تسميم الطفل الصغير وغايموت، وتما غايقرر الاب ياخد معاه الاسرة ديالو الفرنسا، وتما غاتبدا البطلة دالرواية فتعلم القراءة، ولكن غاتبقا ديما متعلقة بالجدور ديالها وبقصة الكنز... #كتابـبالدارجة
