رواية ملنخوليا... انت او لا وطن

رواية ملنخوليا.. انت او لا وطن، رواية للكاتب المغربي مراد الضفري، وهي تتمة لرواية الوطن ليس هنا.

هاد الرواية كاتدوي على حياة جوج شخصيات رئيسية اللي هوما ليلى وطارق، اللي كايعيشو علاقة حب متذبذة، كل مرة كاتوقع فحياتهوم شي حاجة اللي كاتفرقهوم.

طارق كان كايعيش فراغ نفسي حيث انه من بعد التخرج ديالو من الجامعة، لقا كاع الحوايج اللي كان بغا يطبقها فارض الواقع مجرد احلام، ولقا راسو ما بين الواقع المرير وما بين مبادئه، الشي اللي خلاه يحاول يرجع لفلسطين للجهاد والبحث عن الشهادة اللي كان فشل فننيلها فسفره الاول، ولكن الاصدقاء ديالو اللي كانو غايعانوه فالذهاب لفلسطين من تونس تم الاغتيال ديالهوم، ومعه تم اغتيال حلمه.

طارق مرة اخرى غايلقا راسو خاصو يكون خصم لمبادئه من بعد ما غايوقع فحب اماليا الاسرائيلية، واللي كانت كاتجبرو باش يتزوج بيها لاستمرار العلاقة ديالهوم، من بعد ما تنازل على جميع المبادئ ديالو وفطريقو للزواج بيها كانو غايمشيو لاسرائيل، الوقت اللي وصل فيه للمطار غايسمع خبر استشهاد شابة فلسطينية، وغايشوف الصورة ديالها، وكانت هي نفسها صديقته الفلسطينية، الشيء اللي غايعاود يحيي فيه المبادئ اللي كان بغا يتنكر ليها، وغايرفض الذهاب لاسرائيل وغايرجع للرباط.

فنفس الوقت كانت حبيبته السابقة ليلى اللي تزوجات من جلال الطبيب علاقتها بزوجها ماشي على ما يرام، وغايقررو يتطلقو، وباش تلهي راسها على طارق، قررات تنضم لمجموعة ' نحن نستحق ' اللي كانت كاططمح للتغيير الديمقراطي فالمغرب، وذلك بحل جميع الاحزاب، واعادة تأسيس 3 احزاب كحد اقصى، وذلك لتضييق الخناق على النظام، ولكن المؤسسة الملكية اغتالت هاد الحكم فاشهره الاولى وتم اعتقال بعض اعضاء الحركة وهرب بعضهم.

طارق من بعد الفراغ اللي كان كايعيشو فالبحث ديالو عن وطن يأويه غايقرر الانتحار، ولكن غايفشل من بعد ما غاينقدوه الجيران، ولكن ذكرته ماغاتسلمش من الانتحار، وغادي يفقدها، ويفقد معاها جميع معاناته مع الوطن