القبض على بوحمارة

من بعد ما تمكن المخزن من الاستيلاء على قصبة سلوان بعد مقاومة شرسة من عبيد بوحمارة، تم القبض على العدو اللدود لسلاطين المغرب.

الوقت اللي وصل فيه النبأ لفاس، بداو الاحتفالات بالقبض عليه، والمدافع كايطلقو القنابل للاحتفال و الناس سدات المحلات و شدات بلاصتها باش تشوف بوحمارة المقبوض و استقبلوه تحت عزف الموسيقى، و دخلوه للقصر و السلطان عبد الحفيظ فالانتظار ديالو رفقة القفص اللي غايتسجن فيه

من بعد ما دخل بوحمارة للقفص جا عندو السلطان ياش يستاجوبو، ولكن رفض يدوي حتى يجيبو ليه ماياكل، طلب السلطان من الخدم باش يعطيوه الاكل و لكن رفض الاكل اللي تقدم ليه المكون من خبز و سمن، بداعي انه طعام لا يليق بسلطان بحالو، و عاودو جابو ليه جوج طواجن د اللحم و الدجاج.

من بعد ماكلا قال ليه عبد الحفيظ مالك ماكاتحشمش، قاليه ماكانحشمش بحالك.

و قال ليه بوحمارة بلا ماتكتر عليا الهضرة راني عيان باغي نعس، و عندك جوج حوايج يا طلقني نخدم معاك و لا قتلني دابا.

فالوقت اللي كان محبوس فيه بوحمارة، رجال المخزن مشاو كايقومو باعدامات للناس اللي كاينين فالقبيلة فين كاينة قصبة سلوان و بداو كايجيبو الرؤوس ويعطيوهوم لليهود يملحوهوم و يعلقوهوم ف باب محروق ف فاس.

من بعد مدة الحاشية د عبد الحفيظ بداو كايقولو ليه يعدم بوحمارة حيث حسو بالخطورة ديالو واخا محبوس، و وافق باش يجيبو ليه سبع يدخلوه ليه للقفص باش يفتارسو، ولكن السبع دخل و بقا جالس حداه بلا مايآديه، الشي اللي خلا السلطان يكعا و يخاف من القدرة د بوحمارة فتررويض السبع، و طلب من القائد مبارك السوسي يتيري فيه، وقتلو بقرطاسة للراس و سالا فيلم بوحمارة.