Book's

رواية زواج المتعة للروائي الطاهر بنجلون، هي رواية اللي خرجات فالنسخة الفرنسية، و كاتحكي حياة احد التجار الفاسيين "أمير" اللي كاينتمي لاحد اكبر العائلات الفاسية، اللي كايقوم بالسفر للسينيغال من اجل شراء البضاعة. هاد السفر اللي كايخليه يبعد على الزوجة و العائلة ديالو لشهور، و بالخوف ديالو من الوقوع فالحرام و الزنا، قرر يمشي يسول احد فقهاء القرويين على زواج المتعة، الفقيه اللي حلل ليه يقوم بهاد الزواج. فالسينيغال تلاقا ب نابو اليدسينيغالية و شرح ليها الرغبة ديالو و دواعي هاد الزواج اللي غايكون بعقد محدد التاريخ، اللي غايعطيها عدة امتيازات... الكونترا كايجددوها فكل قدوم ديال أمير لداكار، و لكن امير غايوقع ف حب نابو و غايقرر يتزوج بيها و ياخدها معاه الفاس و تكون زوجة تانية ديالو... ف فاس غايبداو المشاكيل ديال الزوجة السينيغالية اللي غاتعرض لمضايقات من العائلة و عنصرية المجتمع الفاسي... #كتاب_بالدارجة

في سبيل الحق، عبارة عن سيرة ذاتية لمهاتما غاندي، كايحكي فيها الطفولة ديالو، و الطفولة فالمجتمع الهندي اللي كايزوجو الابناء ديالهوم فسن صغيرة بزاف، و كيفاش كمل الدراسة ديالو فالهند و تحدى تقاليد المجتمع الهندي و قرر يمشي يكم الدراسة فمجال المحاماة فانجلترا. واخا مشا لانجلترا بقا مقيد بالعادات الهندية فالاكل حيث انهم كانو محرمين على راسهوم اكل اللحوم، من بعد التخرج ديالو رجع للهند ولكن لقا صعوبات باش يلقا القضايا اللي يقد يدافع على اصحابها امام المحكمة، حيت كانو الناس اللي سابقينو اكثر تجربة و كايقصدوهوم الناس بدل منو هو. واحد نهار تاصل بيه واحد الهندي عايش فجنوب افريقيا باش يجي يدافع عليه فقضية دخلات للمحكمة ضد هندي اخر، وبالفعل مشا و قدر يصالح بينهوم، ومن تما غتيبدا النضال ديالو من اجل حقوق الهنديين و عصيان القوانين العنصرية ضدهم، تحت اسم  'حركة الساتياجراها'، و من بعد ما قدر يعلي من طبقة الهنديين فالمجتمع الجنوب افريقي، قرر يرجع للهند لمواصل النضال ضد البريطانيين.  رغم انه كان كايناضل بطريقة سلمية بدون عنف الا انه تعرض للسجن عدة مرات، و لكن فالاخير قدر يحرر بل...

رواية ساق البامبو للكاتب الكويتي سعود، كاتحكي قصة الخادمات الفلبينيات ف الكويت و الظروف المحيطة بهم، و كذلك الاوجه و الشخصيات المتغيرة للانسان الكويتي و التقاليد و الاعراف اللي متشبت بيهم المجتمع الكويتي. الرواية كاتحكي قصة خادمة فلبينية اللي تزوج بها شاب كويتي بدون علم العائلة، هاد الزواج اللي جابو منو طفل اللي ماغاتقبلوش عائلة الكويتي وغايترضوهم من المنزل، الشي اللي غايخلي الشاب يطلق الفلبينية و يرجعها لبلادها و يواعدها باش يتكلف بمصاريف البن حتى يوصل للسن القانونية و يرجعو يعيش معاه فالكويت. ولكن الشاب ماغايبقاش عايش حتى يشوف الابن ديالو حيت غايتعتاقل من طرف القوات العراقية فالغزو ديالها للعراق، و غايلقاو الجثة ديالو من بعد سنين فاحد المقابر الجماعية، ولكن الصديق ديالو غايتكلف بارجاع الابن للكويت اثناء بلوغه السن القانونية. الكويتي من اصول فلبينية غايلقا بزاف دالصعوبات من اجل التأقلم مع المجتمع الكويتي، اللي ماغايقبلوش ككويتي مختالف شكلو على البقية، وحتى العائلة ماغايقدروش يتقبلوه خوفا من كلام الناس، لذلك غايعيش تيه كبير ...فالكويت... #كتاب_بالدارجة

كتاب زمن لمَحلاّت السلطانية-الجيش المغربي و أحداث قبائل المغرب ما بين 1860 و 1912، لكاتبه الطبيب الفرنسي لويس ارنو و ترجمة محمد ناجي بن عمر، اللي كايحكي فيه على تاريخ المغرب مابين 1860 و 1912 على لسان احد عبيد القصر، اللي عاد للفرنسي على جميع الاحداث اللي وقعات فالمغرب قبل الاستعمار و اللي مهدات للفرنسيين الدخول للمغرب. الشي اللي عطا للكتاب مصداقية هو كون العبد اللي كايحكي الاحداث كان قريب من جميع الاحداث و حتى الحاجات اللي ماحضرش ليها كايقول باللي غير سمع من فلان ولا الحاجة اللي هو مامتأكدش منها كايقول باللي مامتأكدش، و الوقت اللي كان تلاقا بيه لويس ارنو كان العبد مازال فكامل قواه العقلية اي انه ماأترش عليه الكبر د السن ديالو على الذاكرة ديالو. الكتاب كايحكي الصراعات الدائمة اللي كانت مابين السلطان. القبائل المتمردة اللي ماكاتبغيش تعطيه الضرائب وكيفاش كان كايرع المتكردين السلطان الحسن الاول. مرورا بالصراع اللي كان مابين ابناء حول شكون غايوث العرش من بعد الوفاة د الحسن الاول، اللي خلفو ف اول الامر ولدو الصغيير  عبد العزيز، و كيفاش كان عندو صراع مع خوتو اللي قدرو ينحيو...

نوبوأكي نوتوهارا، من اوائل اليابانيين اللي درسو اللغة العربية و ولا من الاساتذة ديالها فجامعة طوكيو، من بعد التخرج ديالو قرر يقوم بجولات فالدول الهربية باش يتعرف عن قرب على العرب وعلى الاشياء اللي قراها علينوم فالكتب، و نيت يتلالق مع الكتاب اللي كان ناوي يدير ترجمة للكتب والروايات ديالهوم لليابانية، و يستفسر على اماكن الحوادث اللي كتبو عليها و... هاد الجولات اللي كان كايدير، كان اغلب وقتو دوزو فالقاهرة فمصر واللي كانت هي اول مدينة عربية كايزورها، ومنها كان كايتنقل لعواصم عربية اخرى باش يتلقى بالكُتاب، كانت عندو زيارة للمغرب وتلاقا مع الكاتب محمد شكري.. هاد الجولات اللي دار فالمدن العربية خلاتو يلاحظ بزاف د السلوكات فالمجتمعات العربية، الشي اللي خلاه يكتب على الجربة ديالو اللي عاش فالبلدان العربية فكتاب تحت اسم " العرب وجهة نظر يابانية" اللي كايقارن بيه مابين العيشة فاليابان و فالدول العربية وكيفاش ان حقوق عندهوم هي مطااب عندنا، وكايتعجب من التبجيل و القداسة اللي كاتحيط بالحُكام عندنا فالحين اللي هوما كايعتابرو الحاكم ك شخص كايخدم كمصالح الشعب. و كايحكي على حوادث...

كتاب التخلف الاجتماعي مدخل الى سيكولوجية الانسان المقهور لكاتبه اللبناني مصطفى حجازي، كيحكي فيه على العادات و التقاليد ديال المجتمع ديالو و اللي خلاو غالية الشعب يكون متخلف و يسهل التحكم فيه من طرف المسؤولين و الاعلام الرسمي عن طريق تأكيد الخرافات اللي كايآمن بيها الشعب. و حتى من قضية مشاكيل وصعوبة الحياة و الاخطاء الاي كايقوم بيها كيفاش كايحاول يرجعها لسبب مجهول الاي هو الشيطان و السحر و... اي ان الانسان ماكايحاولش يتحمل المسؤولية فالقرارات ديالو و الافعال، و يتقبل الفشل ديالو و يحاول يغير المنظور ديالو للاشياء باش يهاود التجربة و تكون اكثر دقة و ينجح. هادو من الاشياء المتواجدة فالمجتمع اللبناني و الكاتب كايقول باللي هاد الحوايج مشاركين فيهوم كاع الدول المتخلفة و ماللي كانقراو هاد لكتاب كانلقاو باللي الحوايج اللي كايدوي عليهوم كانعيشوها حتى فالمجتمع ديالنا. لكتاب كايدوي على بزاف د السلوكات وماشي غير هادشي اللي دكرت لفوق. هادا من الكتب اللي يُنصح قراءتها.. #كتاب_بالدارجة

رواية الصدمة لياسمينة خضرا، كاتحكي قصة امين وسهام الزوجيت الفلسطينيين واللي عايشين فتل ابيب و عندهوم جنسية اسرائيلية، امين دكتور جراح و سهام ربة بيت، بالرغم من العنصرية االلي كان كايتلقاها امين فالعمل ديالو من طرف الزملاء الاسرائليين الا انه حقق نجاح كبير فالميدان ديالو و حصل على بزةف د الجوائز، كان عايش حياةمثالية هو و الزوجة ديالو، حتى للنهار اللي وقع فيه انفجار فاحد المقاهي فوسط تل ابيب و كانت سهام هي اللي قامت بهاد الانفجار، هاد الانفجار هو نقطة التحول فحياة الدكتور اللي فالاول ماغةيصدقش باللي الزوجة ديالو هي المتهمة، ولكن من بعد التحريات ديالو غايكتاشف باللي كانت عندها علاقة باحد الفصائل الفلسطينة للمقاومة، و غايمشي يبحث فالاسباب االلي خلاوها تاخذ هاد القرار فانهاء الحياة ديالها، الشي اللي غايخليه يرجع لمسقط رأسه فالضفة الغربية و يدير صلة الؤحم مع العائلة ديالو اللي ماشافهومش 10 سنين، وغايكتاشف الحصار اللي عايشين فيه و القمع و الحكرة من طرف الجيش الصهيوني، و غايعرف باللي داك التعايش اللي عايش مع اليهود ف تل ابيب هو غير مجرد كذبة اما الحقيقة هي الاغتصاب اللي كانو عايشينو ابناء جل...

فالاردن كان شاب ذو اخلاق ودين، وتخرج كمعلم ومشا خدم فالمدرسة اللي هو كان قرا فيها، وكان معروف بين المدرسين اللي معاه اللي كانو كاملين نساء بالروح المرحة ديالو وكان ماكايهزش العين فيهوم ويعاود ليهوم النكت، الا وحدة هي اللي كانت مامعبراهش، وهي اللي من بعد غايتقرب منها وغايحبو بعضهم وغايتزوج بيها رغم ان الاب ديالو ماكانش باغيه يتزوجها لكونها من عائلة فقيرة، ولكن غايتحدا باه وغايتزوج بيها، من بعد شويا دالوقت غاتجيه وظيفة فالسعودية بصالير اكثر وامتيازات وغايمشي ويدي الاسرة ديالو الصغيرة المتكونة من من الزوجة جوج اطفال، من بعد شوية دالوقت غايكتاشف الخيانة ديالها ليه من بعد ست سنوات ديال الزواج، وغايقرر يطلقها ولكن غايسترها وغايقول لعائلتهم ان سبب طلاقهم هو حملها بالطفلة الثالثة بدون الموافقة ديالو، هادشي اللي غايلي واليديه يتخاصمو معاه ويديرو معاه قطيعة واشترطو عليه باش يتصالحو يرد مراتو اللي هو ظالمها، وبقا كايتألم حتى مرض بالقلب ومات، فاش مات مشا صاحبو لدارو ولقا مذكرة فيها هادشي اللي وقع ليه ومن تم هاد صاحبو قنع راسو باللي جميع النساء عاهرات وخائنات، وخاصو يتغدا بمراتو قبل ماتعشا بيه وك...

شوق الدرويش رواية كاتحكي جزء من التاريخ السوداني فالقرن 19، ايام الحكم التركي والثورة عليه من طرف انصار المهدي و اللي يماو راسهوم بالحركة المهدية، اللي حكمو السودان مدة ليست بالقصيرة وكانو كايقولو باللي بغاو يحكمو بالشريعة الاسلامية و الامام ديالهوم راه هو المهدي المنتظر، و بدا كايقوليهوم 4 د الخلفاء ديالو فالحكم م بعد مايموت اللي شبههوم بالخلفاء الراشدين. فنفس الوقت الحركة المهدية مارست العنف مع المسيحيين اللي كانو فالسودان واللي كانت من بينهوم بعثة من مصر دخلو للسودان من اجل التبشير، واللي فبلاصت مايقومو بالتبشير تشدو من طرف انصار المهدي و ولاو عبيد فالمنازل د المهديين، من بينهوم كانت فتاة من اصول يونانية سميتها تيودورا زالاي غاتولي سميتها حواء فاش غاتدخل لمنزل احد المهديين، حواء وقع فالحب ديالها واحد العبد سميتو بخيت، اللي حتا دوز سنوات فالسجن، و غايرهن حيات باش ينتاقم لحواء اللي قتلوها فاش حاولت تهرب..

من بعد ما تمكن المخزن من الاستيلاء على قصبة سلوان بعد مقاومة شرسة من عبيد بوحمارة، تم القبض على العدو اللدود لسلاطين المغرب. الوقت اللي وصل فيه النبأ لفاس، بداو الاحتفالات بالقبض عليه، والمدافع كايطلقو القنابل للاحتفال و الناس سدات المحلات و شدات بلاصتها باش تشوف بوحمارة المقبوض و استقبلوه تحت عزف الموسيقى، و دخلوه للقصر و السلطان عبد الحفيظ فالانتظار ديالو رفقة القفص اللي غايتسجن فيه من بعد ما دخل بوحمارة للقفص جا عندو السلطان ياش يستاجوبو، ولكن رفض يدوي حتى يجيبو ليه ماياكل، طلب السلطان من الخدم باش يعطيوه الاكل و لكن رفض الاكل اللي تقدم ليه المكون من خبز و سمن، بداعي انه طعام لا يليق بسلطان بحالو، و عاودو جابو ليه جوج طواجن د اللحم و الدجاج. من بعد ماكلا قال ليه عبد الحفيظ مالك ماكاتحشمش، قاليه ماكانحشمش بحالك. و قال ليه بوحمارة بلا ماتكتر عليا الهضرة راني عيان باغي نعس، و عندك جوج حوايج يا طلقني نخدم معاك و لا قتلني دابا. فالوقت اللي كان محبوس فيه بوحمارة، رجال المخزن مشاو كايقومو باعدامات للناس اللي كاينين فالقبيلة فين كاينة قصبة سلوان و بداو كايجيبو الرؤوس ويعطيوهوم ل...

ثورة بوحمارة فالحكم ديال الحسن الاول، كان كايقوم على طول العام بجولات على القبائل المغربية باش ياخد الضرائب ويحارب القبيلة اللي مابغاتش تعطي الضريبة وحاولات تمرد على هكم فاس. بالفضل ديال السياسة ديالو اللي كان واقف عليها براسو كان كايقدر يقمع اي ثورة فالمهد ديالها، الشي اللي خلاه يبقا متحكم فالمغرب كامل على طول فترة حكمه. الحسن الاول كانو عندو بزاف دالولاد، ولكن خلا وصية باش اصغرهم هو اللي يخلفو فالحكم اللي هو عبد العزيز، اللي خدا الحكم فسن 14عام، السيد كان خاصو مازال يلعب والناس كانت تسنا منو يدير بحال باه. فالفترة دالحكم ديالو ناضو بزاف دالقياد اللي مابقاوش بغاو يخلصو الضريبة، وبدا كايسيفط ليهوم قوافل عسكرية باش يحاربوهوم، الشي اللي خلا الميزانية ديال المخزن تثأثر بكثرة الحروب، حتى ولاو الجنود ماكايتخلصوش وولاو كايهربو من القصر، وبداو خلافات داخل الحكومة. وزاد خدا كريديات من فرنسا اللي كانو من اسباب دخول الاستعمار الفرنسي. فهاد الوقت بان "الجيلالي بندريس" الملقب ببوحمارة، حيت كان ديما كايدور حدا القوافل العسكرية بحمارة رمادية كايسعا بيها، وفنفس الوقت كايشمشم ع...

ف سنة 1987  بعد الثورة الاسلامية ف ايران، بداو الرجال كايحكمو باسم الدين و كايقمعو اي مبادرة نسائية و دائما الرجل هو اللي على حق، لدرجة انهم ولا عندهوم فالاعراف باللي الرجل الى تاهم المرأة هي اللي خاصها تجيب دليل براءتها و ماشي هو اللي يجيب دليل الادانة، و فحالة المرأة هي اللي تاهمات الرجل فكذلك هي اللي خاصها تجيب دليل الادانة. هادشي اللي خلا ثريا تكون من ضحايا الهيمنة الذكورية فالمجتمع الايراني، بعد ما هجرها راجلها وكان كايخونها، و بغا يتزوج فتاة من المدينة، سيفط ليها رجل دين باش يقنعها تطلق منو، ولكن ماللي رفضات مشاو باش يلفقو ليها تهمة الزنى والخيانة الزوجية و باللي خاص يتطبق فحقها الشرع و يتم رجمها حتى الموت، رغم انهم ماعندهوم حتى دليل يثبت هادشي ولكن مع الاعراف د المجتمع كان هي اللي خاص تجيب دليل البراءة، و بماأنها ماتقدرش تتبت العكس تبتات عليها التهمة، و كانت عمتها زهرة هي المساندة الوحيدة ديالها فهاد المحنة، وهي الوحيدة اللي عارفاها مظلومة و هادشي خطط ليه رجل الدين مع الزوج ديالها....

رواية في قلبي انثى عبرية، هي رواية كاتحكي حياة احمد اللبناني المسلم، طالب في شعبة الهندسة الزراعية، واحد رجال المقاومة ضد الاستعمار الاسرائيلي لجنوب لبنان. القدر غايقود احمد للتعرف على فتاة يهودية، من بعد الاصاڢة ديالو فاحدى العمليات، غايلقا راسو فبيت الفتاة لطلب المساعدة. اليهودية كذلك ماغاديش تخلي حاجز الدين والتقاليد يمنعها من مساعدة احمد. وهنا غاتبدا تفاصيل الاعجاب بين بطلي الرواية، وكل واحد غايبغي يبين للآخر ان الديانة ديالو هي اللي على صواب.  ويحاول يهديه للديانة ديالو، والاتيان بحجج وبراهين اللي كاتبين انه على صواب، وكذلك كل واحد يحاول الاجابة على التساؤلات اللي كانت عندو على الديانة الاخرى الشي اللي غايخلي القارئ يتعرف على بعض مبادئ الديانات وتقاليد معتنقيها. و فالرواية غايكون تدخل للمحيط المتكون من العائلة ديال ندى اليهودي وكذلك محيط عائلة احمد واصدقاؤه فالمقاومة، اللي كولهوم غايكونو ضد هاد العلاقة اللي كاتعتابر بالنسبة ليهوم خيانة للدين  والجميل فالرواية هي انها قصة حقيقية على حد قول الكاتبة، مع بعض الزيادات اللي تطلبها النص باش يكون مشوق ونقصان بعض ا...

نيلسون مانديلا تزاد ف 1918 الطفولة ديالو كانت صعيبة من بعدما رفض الاب ديالو الخضوع لامير ابيض، تحيدات ليه جميع الاملاك ديالو وخرجوه من القرية ديالو، واتجهو لقرية اخرى فيها بعض اصدقاء الام ديالو اللي بقاو مساعدينهوم حتى توفى الاب ديالو، وتما مانديلا تبناه واحد السلطان، اللي وفر ليه كاع الحاجيات ديالو وكان كايقريه وكايوجدو باش يكون المستشار ديال ولدو اللي غايورثو فالحكم...  ف سطاش لعام الفتيان عندهوم كايدوزو من مرحلة الطفولة لمرحلة الرجولة وباش يدوزو هاد السطاج كايخصهوم يتختنو.. ف 211 عام من بعد ما السلطان حس براسو قرب يموت قرر يزوج الابن ديالو و مانديلا، ولكن بجوجهوم رفضو الدريات اللي هو ختار ليهوم وكانو رافضين فكرة الزواج قبل مايساليو قرايتهوم وايضا شي واحد يختار ليهوم الزوجة ديالهوم وهادشي اللي خلاهوم يهربو ف اتجاه جوهانسبورغ..  في جوهانسبورغ غايعانيو فالاول من التبعات ديال انهم من عائلة السلطان، اللي غايوصي معارفو باش مايعاونوهومش و يرجعوهوم ليه، ولكن العناد ديالهوم كان اكبر، الشيء اللي غايخلي مانديلا يتلاقا بواحد رجل اعمال سميتو وولتر سيسولو، اللي غايعاونو با...

رواية الرحيل، سيرة ذاتية للفنان والمسرحي العربي بطما ومؤسس مجموعة ناس الغيوان الشهيرة. فالوقت اللي عرف العربي باطما ان الاجل ديالو قرب، ومن بعد ما علم بالمرض ديالو والايام ديالو اصبحت معدودة، قرر انه يكتب السيرة الذاتية ديالو ويهديها للقراء، وبالفعل قدر يكملها قبل الوفات ديالو رحمه الله. السيرة متكونة من اربعة فصول، حيث انه كل فصل كان كايحكي على فترة فعمره، بداية بالفصل الاول المسمى طي الضلوع الجميل، اللي كان كايحكي فيه على فترة طفولته اللي دوزها فالبادية تحت جناح جده، اللي كان من الاشخاص اللي غنيين فالمنطقة ديالهوم، وبالفضل ديال جدو كان قدر يتلقا مع اشخاص عابري السبيل اللي كانو كايجيو لدار الضيافة اللي دايرها جدو خصيصا لضيافين الله، الشيء اللي خلاه يكون عندو معاهوم احتكاك ويعرف الثقافة ديال المناطق منين جاو، لدرجة ان احد اغاني ناس الغيوان اللي هي "السيف البتار" كان سمعها من عابر سبيل جاي من ورزازات، واضافو ليها بعض الكلمات. الفصل الثاني من السيرة الذاتية هو طي الضلوع القبيح، وكايحكي فيه على الاشياء السيئة اللي رافقاتو فحياتو، وكان ليها اثر كبير فشخصيته، كوفاة جده، ...

رواية الحي الخطير لمحمد بنميلود، كايدوي فيها على العيش فحي من احياء مدينة الرباط الشعبية، واللي كايفرقو على احد الاحياء الراقية مسافة صغيرة. هاد الحي اللي غالبية الابناء ديالو كايتمناو يتسلقو داك المستوى الاجتماعي ديالهم، وحتا هوما فيوم من الايام يعيشو فالاحياء الراقية. الرواية كاتحكي قصة الشاب مراد اللي حتى هو ف يوم من الايام كان كايحلم بوطن افضل، وحياة افضل لجميع ابناء الشعب، عن طريق النضال مع يساريي الوطن فتلك الحقبة، ثروة خال مراد كانت عبارة عن مجموعة كتب  تعبر عن الفكر اليساري... هاد الكتب غايكونو هوما الشيء الوحيد اللي غايورثو مراد من خالو من بعد ما غاتمكن الآلة القمعية من الاعدام ديالو. مراد حتى هو غادي يحاولو يمشي على نهج خاله وغايبغي يتسلق الدرجات الاجتماعية ولكن بطريقة مختلفة، بانشاء عصابة متكونة منو ومن صديقي طفولته، واللي حتى هوما غايلي عندهوم سيط كبير فالحي على غرار العصابات المعروفة والمتحكمة فالحي منذ زمن. فالرواية الكاتب، غادي يحاول يرجع لينا بالزمن للوراء باش يبين لينا كيفاش كانت الحيات ديال ابطال الرواية منذ ولادتهم، وكيفاش وانهم كلهم عندهوم نفس الح...

رواية "الوطن ليس هنا"، هي اول رواية للكاتب المغربي مراد الضفري، واللي كايحكي فيها حياة بطل الرواية "طارق"، اللي كان كاينتامي للقوميين العرب فايام الجماعة، وبقا متشبث بمبادئه حتى من بعد التخرج ديالو والولوج ديالو لعالم الشغل ككاتب للمقالات السياسية فاحد الجرائد. طارق من بعد التخرج ديالو من الجامعة غادي يوقع ليه تصادم مابين الاحلام اللي كان كايحلم بيها فايام الجامعة وما بين الواقع، وغادي يأتر عليه هادشي فحياتو حيت انه ماقدرش يتعايش مع الواقع المادي، بحال غالبية رفاقه اللي تنازلو على مبادئهم. هاد المبادئ اللي غاتأثر ليه حتا على علاقاته الغرامية، حيث انه غايوقع فحب فتاة اسرائيلية اللي فالاول غادي تخبي عليه جنسيتها، وبعد الفتاة الاسرائلية غايوقع فحب فتاة اخرى "زهرة" اللي كاتنتامي للطبقة البرجوازية، وغايلقا راسو ماكايتافقش معاها فبزاف د اساليب دالحياة اللي باغا تعيشهوم زهرة، وفالاخير غادي يتفارقو. الوحيدة اللي كانت كاتشاركو نفس الاهتمامات ونفس الافكار من ايام الجامعة هي صديقته ليلى، اللي هي الاخرى غايتخلا عليها، من اجل الذهاب لفلسطين وتحقيق احد احل...

واحد النهار فاق جورج اورويل وقال مع راسو نكتب كتاب على حياة المتشدين ونسلط الاضواء على المأساة اللي كاتعيشها هاد الفئة. وباش يكتب عليهوم ماغاديش يقدر يوصل الصورة كما هي وهو ڭالس فالبيرو ديالو وكايتخايل الحياة د هاد الناس، داكشي علاش فالاول مشا لباريس وعاش الحياة ب فرنكات قليلة اللي كان كايصورها فالاول فتعليم الانجليزية، هاد الفرنكات اللي ماكانوش كايقدوه باش يكمل حتى لكرا، داكشي علاش كان كايخرج يقلب على فلقهاوي ولا فاي كان . فالاول ماقدر يلقا حتا خدمة حيث ماعندوش لا تجربية فغسي ل لماعن لا ف طياب لا ف تاسربايت، داكشي علاش بدا كايبيع ف حوايجو باش يشري ماياكل، حتى لواحد النهار وقدر يلقا ليه واحد صاحبو روسي خدمة فواحد الاوطيل، يغسل لماعن، لخدمة اللي كان كايخدم فيها 18 ساعة وكان يالاه كايقدر يخلص لكرا وباش ياكل فنهار الروپو ديالو. من بع ما عيا من هاد الخدمة قرر يرجع لبريطانيا، ومشا ل لندن، ولكن مالقاش خدمة، وهو يعيش حياة التشرد مع المتشردين د المدينة، حيث كانو دايرين ليهوم ملاجئ فين يباتو، والملجأ اللي نعستي فيه ليلة ماتعاود ترجع ليه على شهر، والى رجعتي قبل كاتكون مهدد بالحبس...

واية مزرعة الحيوان كايحكي فيها جورج اورويل على تمرد حيوانات مزرعة القصر اللي كان كايملها السيد جونز. هاد الثورة اللي قادوها الخنازير اللي كانو كايتعتابرو هوما اصحاب الذكاء ولعيلم فالمزرعة، بدات الثورة بابتكار نشيد ثوري للحيوانات، و ب 7 ديال الالتزامات حيوانية يمنع فيها تقليد الانسان او التعامل معه. من بعد المعركة اللي قامت بيها الحيوانات لتحرير المزرعة، ولا الخنزيرين سنوبول ونابوليون هوما القادة ديال المزرعة. هاد جوج اللي من بعد حتا هوما غايوقع بيناتهوم خلاف على شكون غايبقاو  يتطبقو الاوامر ديالو من بعد ماكانو القرارات كايتطبقو بشكل ديمقراطي بالتصويت وبما فيه مصلحة للحيوانات ككل. الشي اللي ماغايعجبش الخنزير نابوليون واللي من بعد غاينقلب على صديقو وغايتاهمو بالخيانة، وغادي يطردوه الحيوانات من المزرعة. اللي غايولي عندها قائد واحد وهو الآمر والناهي اللي هو نابليون، اللي غايبدا كل مرة يخالف شي بند من البنود السبعة، وديما كايعطيهوم شي سبب باش يقنع الحيوانات، اللي نهار بعد نهار غاتبدا الحياة ديالهوم كاتسوء على ماكانت عليه قبل الثورة، ولكن حيث الذاكرة ضعيفة عند الحيو...